അബുദാബിയില്‍ നിന്ന് 59 ദിർഹത്തിന് പറക്കാനുള്ള അവസരമൊരുക്കി വിസ് എയർ
അബുദാബി: അബുദാബിയില്‍ നിന്ന് 4 സെക്ടറിലേക്ക് 59 ദിർഹത്തിന് പറക്കാന്‍ സൗകര്യമൊരുക്കി ബജറ്റ് എയർലൈനായ വിസ് എയർ. ഈ നിരക്ക് അടുത്ത മാസം ജൂണിലെ ചില ദിവസങ്ങളിൽ മാത്രമായിട്ടാണ് ഷെഡ്യൂൾ ചെയ്യപ്പെടുന്നത്.
ഇതൊരു വൺ വേ ടിക്കറ്റാണ്. എന്നാൽ നിങ്ങൾ ശരിയായ തീയതി തിരഞ്ഞെടുത്താൽ തിരികെ പറക്കുന്നതിന് ഇതേ നിരക്ക് തന്നെയായിരിക്കും ഈടാക്കുകയെന്ന് വിസ് എയർ പറഞ്ഞു.
ജൂണിൽ 59 ദിർഹത്തിന് (വൺവേ) മാത്രം നിങ്ങൾക്ക് പറക്കാൻ കഴിയുന്ന നാല് ലക്ഷ്യസ്ഥാനങ്ങൾ ഒമാനിലെ സലാല, മസ്കറ്റ്, സൗദി അറേബ്യ യിലെ ദമ്മാം, കുവൈറ്റ് എന്നിവയാണ്.
ജൂണ്‍ 10 ന് ഒമാനിലെ സലാല, 11 ന് കുവൈറ്റ് സിറ്റി, 18 ന് ഒമാനിലെ മസ്കറ്റ്, 19 ന് സൗദി അറേബ്യയിലെ ദമാം എന്നിവിടങ്ങളിലേക്കാണ് 59 ദിർഹത്തിന് യാത്ര സൗകര്യം ഒരുക്കിയിരിക്കുന്നത്. ജൂൺ 11 നും ജൂൺ 23 നും ഇടയിൽ ടിക്കറ്റ് ബുക്ക് ചെയ്യാം.
നിശ്ചിത സമയത്തിനുളളില്‍ തിരികെ വരുന്നവർക്ക് ഇതേ നിരക്കില്‍ ടിക്കറ്റ് ലഭ്യമാകും. 4 മുതല്‍ 10 ദിവസത്തിനകം മടങ്ങി വരണമെന്നുളളതാണ് നിബന്ധന. ഞായറാഴ്ച മുതല്‍ 48 മണിക്കൂറിനുളളില്‍ ബുക്ക് ചെയ്യുന്നവർക്കാണ് ഈ നിരക്കില്‍ ടിക്കറ്റ് ലഭ്യമാവുക.
