മിനിസ്ട്രി ഓഫ് ഫോറിൻ അഫയേഴ്സ്: യുഎഇ വിദേശകാര്യമന്ത്രാലയത്തിന്റെ പേര് മാറ്റി
ദുബായ്∙ രാജ്യത്തിന്റെ വിദേശകാര്യ രാജ്യാന്തര സഹകരണ മന്ത്രാലയം പേരു മാറ്റിയാതായി അധികൃതരുടെ അറിയിപ്പ്. ഇനി മുതൽ വിദേശകാര്യ മന്ത്രാലയം എന്നായിരിക്കും വകുപ്പ് അറിയപ്പെടുക.
ദ് മിനിസ്ട്രി ഓഫ് ഫോറിൻ അഫയേഴ്സ് ആൻഡ് ഇന്റർ നാഷനൽ കോഓപ്പറേഷൻ (എംഒഎഫ്എഐസി) എന്നായിരുന്നു വിദേശകാര്യ മന്ത്രാലയം ഇതുവരെ അറിയപ്പെട്ടിരുന്നത്.
എംഒഎഫ്എ എന്ന ചുരുക്കപ്പേരിലായിരിക്കും മന്ത്രാലയം അറിയപ്പെടുക. കൂടാതെ മന്ത്രി ഷെയ്ഖ് അബ്ദുല്ല ബിൻ സയിദ് അൽ നഹ്യാനെ ഇനി മുതൽ വിദേശകാര്യ മന്ത്രി എന്നായിരിക്കും സംബോധന ചെയ്യുകഎന്നും അധികൃതർ വ്യക്തമാക്കി.
