ഇലക്ട്രിക് ചാർജിങ് സ്റ്റേഷൻ: വൈദ്യുതി വിതരണ കമ്പനിയുടെ അംഗീകാരം വേണമെന്ന് ഒമാൻ

മ​സ്ക​ത്ത്: ഇ​ല​ക്ട്രി​ക് വാ​ഹ​ന​ങ്ങ​ൾ ചാ​ർ​ജ്​ ചെ​യ്യു​ന്ന​തി​ന് ഒമാൻ പ​ബ്ലി​ക് സ​ർവീ​സ് അ​തോ​റി​റ്റി നി​യ​മ​ങ്ങ​ൾ പുറത്തി​റ​ക്കി. രാ​ജ്യ​ത്തെ പെ​ട്രോ​ളി​യം വാ​ഹ​ന​ങ്ങ​ൾ സൃ​ഷ്ടി​ക്കു​ന്ന അ​ന്ത​രീ​ക്ഷം മ​ലി​നീ​ക​ര​ണം കുറക്കുന്നതിന്റെ ഭാ​ഗ​മാ​യി ഇ​ല​ക്ട്രി​ക് വാ​ഹ​ന​ങ്ങ​ളെ പ്രോ​ത്സാ​ഹി​പ്പി​ക്കു​ന്ന ന​യ​മാ​ണ് സ​ർ​ക്കാ​റി​നു​ള്ള​ത്. 

ഇ​ത​നു​സ​രി​ച്ച് ഇ​ല​ക്ട്രോ​ണി​ക് വാ​ഹ​ന​ങ്ങ​ളു​ടെ​യും സ്പെ​യ​ർ പാ​ർ​ട്സു​ക​ളു​ടെ​യും വാ​റ്റ് ഒ​ഴി​വാ​ക്കു​ന്ന​ത​ട​ക്ക​മു​ള്ള നി​ര​വ​ധി ന​ട​പ​ടി​ക​ൾ സ​ർ​ക്കാ​ർ എ​ടു​ത്ത് ക​ഴി​ഞ്ഞു. ഇ​ത്ത​രം വാ​ഹ​ന​ങ്ങ​ളു​ടെ ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ക്കു​ന്ന​തി​നു​ള്ള നി​യ​മ​ങ്ങ​ളി​വ​യാ​ണ്.  

ഇ​ല​ക്ട്രി​ക് ചാ​ർ​ജി​ങ് സ്റ്റേ​ഷ​നു​ക​ൾ സ്ഥാ​പി​ക്കു​ന്ന​തി​ന്  വൈ​ദ്യു​തി​വി​ത​ര​ണ ക​മ്പ​നി​യു​ടെ അം​ഗീ​കാ​രം ആ​വ​ശ്യ​മാ​ണ്. സ്ഥാ​പ​ന​ത്തി​ന്‍റെ ആ​വ​ശ്യ​മാ​യ വി​വ​ര​ങ്ങ​ൾ വൈ​ദ്യു​തി വി​ത​ര​ണ ക​മ്പ​നി​ക്ക് സ​മ​ർ​പ്പി​ച്ച ശേ​ഷ​മാ​യി​രി​ക്കും ക​മ്പ​നി അം​ഗീ​കാ​രം ന​ൽ​കു​ക. 

ചാ​ർ​ജി​ങ് സ്റ്റേ​ഷ​നു​ക​ളു​ടെ ഉ​ട​മ​ക​ളാ​വാ​ൻ ആ​ഗ്ര​ഹി​ക്കു​ന്ന​വ​രോ സ്വ​കാ​ര്യ പൊ​തു സ്റ്റേ​ഷ​നു​ക​ൾ സ്ഥാ​പി​ക്കാ​ൻ ആ​ഗ്ര​ഹി​ക്കു​ന്ന​വ​രോ ബ​ന്ധ​പ്പെ​ട്ട അ​ധി​കൃ​ത​രി​ൽ​നി​ന്ന് നി​യ​മ​പ​ര​വും സാ​​ങ്കേ​തി​ക​വു​മാ​യ മാ​ന​ദ​ന്ധ​ങ്ങ​ൾ​ക്കു​ള്ള അം​ഗീ​കാ​ര​വും നേ​ടി​യി​രി​ക്ക​ണം.   

വാ​ഹ​ന​ങ്ങ​ൾ ചാ​ർ​ജ്​ ചെ​യ്യു​ന്ന​തി​നു​ള്ള നി​ര​ക്കു​ക​ൾ നി​ശ്ച​യി​ക്കു​ക​യും വാ​ഹ​ന​ങ്ങ​ളു​ടെ ഇ​നം, വി​ഭാ​ഗം ഇ​വ​ക്ക​നു​സ​രി​ച്ച് നി​യ​മാ​നു​സൃ​ത​മാ​യി നി​ജ​പ്പെ​ടു​ത്തു​ക​യും വേ​ണം. വൈ​ദ്യു​തി ചാ​ർ​ജി​ങ് പോ​യ​ൻ​റു​ക​ളി​ലെ നി​ര​ക്കു​ക​ൾ അ​ധി​കൃ​ത​രു​ടെ നി​യ​മാ​നു​സൃ​ത താ​രി​ഫ് അ​നു​സ​രി​ച്ചാ​യി​രി​ക്ക​ണം.  

 ഇ​തി​ൽ വൈ​ദ്യു​തി ഉ​പ​യോ​ഗ​ത്തി​ന് കു​റ​ഞ്ഞ പ​രി​ധി വെ​ക്കാ​ൻ പാ​ടി​ല്ല. സ്വ​കാ​ര്യ ഇ​ല​ക്ട്രി​ക് ചാ​ർ​ജി​ങ് പോ​യ​ൻ​റു​ക​ൾ ന​ട​ത്തു​ന്ന​തി​ന്‍റെ ഉ​ത്ത​ര​വാ​ദി​ത്തം സ്ഥ​ലം ഉ​ട​മ​ക്കാ​യി​രി​ക്കും. ന​ട​ത്തു​ന്ന സ്ഥാ​പ​നം വാ​ട​ക​ക്ക് കൊ​ടു​ക്കു​ക​യാ​ണെ​ങ്കി​ൽ ന​ട​ത്തി​പ്പു​കാ​രി​ൽ​നി​ന്ന് സ്റ്റേ​ഷ​നു​ക​ൾ സ്ഥാ​പി​ക്കു​ന്ന​തി​ന് മു​മ്പ് ഇ​തു​സം​ബ​ന്ധ​മാ​യ രേ​ഖ​ക​ൾ എ​ഴു​തി​വാ​ങ്ങ​ണം. 

വാ​ട​ക​ക്ക് ന​ൽ​കി​യ വ്യ​ക്തി​നി​യ​മ​ങ്ങ​ളും മാ​ന​ദ​ണ്ഡ​ങ്ങ​ളും പാ​ലി​ക്കു​ന്നു​വെ​ന്ന് ഉ​റ​പ്പു​വ​രു​ത്തേ​ണ്ട​ത്​ സ്ഥ​ലം ഉ​ട​മ​യാ​ണ്. വാ​ഹ​ന​ങ്ങ​ൾ ചാ​ർ​ജ് ചെ​യ്യു​ന്ന വൈ​ദ്യു​തി തി​ട്ട​പ്പെ​ടു​ത്താ​നു​ള്ള ഇ​ല​ക്ട്രി​ക് മീ​റ്റ​റു​ക​ൾ സ്ഥാ​പി​ക്കു​ന്ന​തി​നു​ള്ള ഉ​ത്ത​ര​വാ​ദി​ത്തം സ്ഥാ​പ​ന ഉ​ട​മ​ക്കാ​യി​രി​ക്കും. ഇ​ത്ത​രം സ്വ​കാ​ര്യ സ്റ്റേ​ഷ​നു​ക​ൾ സ്ഥാ​പി​ക്കു​ന്ന​വ​ർ ഈ  ​സ്ഥാ​പ​ന​ങ്ങ​ളി​ലെ വൈ​ദ്യു​തി മ​റ്റ് വാ​ണി​ജ്യ ആ​വ​ശ്യ​ങ്ങ​ൾ​ക്ക് ഉ​പ​യോ​ഗി​ക്കു​ന്ന​ത് നി​രോ​ധി​ച്ചി​ട്ടു​ണ്ട്.