പ്ര​വാ​സി​ക​ളു​ടെ ആ​കാ​ശ​യാ​ത്ര മു​ട​ക്കം തു​ട​ർ​ക്ക​ഥ​യാ​കു​ന്നു: ഏറ്റവും ഒടുവിൽ ദുരിതത്തിലായത് ഗോ ​ഫസ്റ്റിൽ ബുക്ക് ചെയ്ത യാത്രക്കാർ

മസ്കത്ത്: പ്രവാസികൾ യാത്രയ്ക്കായി ബുക്ക് ചെയ്തിരിക്കുന്ന വിമാനങ്ങൾ നി​ശ്ചി​ത സ​മ​യ​ത്ത്  പു​റ​പ്പെ​ടാ​തി​രി​ക്കു​ക, യാ​ത്ര അ​ന​ന്ത​മാ​യി നീ​ളു​ക, സാ​ങ്കേ​തി​ക  കാ​ര​ണം  പ​റ​ഞ്ഞു  വി​മാ​ന സ​ർ​വീസ്​ റ​ദ്ദാ​ക്കു​ക എ​ന്നി​ങ്ങ​നെ​യു​ള്ള കാര​ണ​ങ്ങ​ളാ​ണ് പ​ല​പ്പോ​ഴും  പ്ര​വാ​സി​ക​ളു​ടെ യാ​ത്ര​ക്ക്​  ത​ട​സ്സ​മാ​യി വ​രു​ന്ന​ത്. എ​യ​ർ ഇ​ന്ത്യ എ​ക്​​സ്​​പ്ര​സ്, എയർ ഇ​ന്ത്യ എ​ന്നി​വ പ്രൈ​വ​റ്റ് സെ​ക്ട​റി​ൽ വ​ന്ന​തോ​ടെ  യാ​ത്രാ​ദു​രി​തം മു​മ്പു​ള്ള​തി​നേ​ക്കാ​ൾ  കൂടിയിരിക്കുകയാ​ണെന്നും യാ​ത്ര​ക്കാ​ർ പറയുന്നു. 

ബു​ധ​നാ​ഴ്ച മ​സ്ക​ത്തി​ൽ​നി​ന്ന് കാ​ല​ത്ത് 11.30ന് ​ക​ണ്ണൂ​രി​ലേ​ക്ക് പു​റ​പ്പെ​ടേ​ണ്ടി​യി​രു​ന്ന ഗോ ​ഫ​സ്റ്റ്  വി​മാ​നം റ​ദ്ദാ​ക്കി​യ വി​വ​രം  യാ​ത്ര​ക്കാ​രെ അ​റി​യി​ച്ചി​ട്ടു​ണ്ട്. ഇ​ന്ത്യ​ൻ ബ​ജ​റ്റ് എ​യ​ർ​ലൈ​നാ​യ ഗോ ​ഫ​സ്റ്റി​ന്‍റെ മേ​യ്​ മൂ​ന്നു​മു​ത​ൽ അ​ഞ്ചു​വ​രെ​യു​ള്ള വി​വി​ധ സ​ർ​വീ​സു​ക​ൾ റ​ദ്ദാ​ക്കി​യ​തായാണ് അ​ധി​കൃ​തരുടെ അ​റി​യി​പ്പ്. അ​ഞ്ചി​നു​ശേ​ഷം എ​ന്താ​കു​മെ​ന്ന കൃ​ത്യ​മാ​യ ചി​ത്ര​വും നി​ല​വി​ൽ ല​ഭ്യ​മ​ല്ല. 

ജൂ​ണി​ലെ അ​വ​ധി​ക്കാ​ലം മു​ന്നി​ൽ​ക്ക​ണ്ട്​ നേ​ര​ത്തേ ഗോ ​ഫ​സ്റ്റ്​ വ​ഴി ടി​ക്ക​റ്റ്​ ബു​ക്ക്​ ചെ​യ്ത​വ​രു​ണ്ട്. എ​യ​ർ ഇ​ന്ത്യ എ​ക്സ്​​പ്ര​സ്​ വൈ​ക​ൽ സ്ഥി​ര​മാ​യ​തി​നാ​ൽ ന​ല്ലൊ​രു ശ​ത​മാ​നം ആ​ളു​ക​ളും ഗോ ​ഫെ​സ്റ്റി​നെ​യാ​ണ്​ ആ​ശ്ര​യി​ക്കു​ന്ന​ത്. നി​ല​വി​ൽ റ​ദ്ദാ​ക്കി​യ ദി​ന​ങ്ങ​ളി​ലെ ടി​ക്ക​റ്റ് എ​ടു​ത്ത യാ​ത്ര​ക്കാ​ർ​ക്ക് മു​ഴു​വ​ൻ തു​ക​യും തി​രി​ച്ചു​ന​ൽ​കു​മെ​ന്നാ​ണ് ഗോ ​ഫെ​സ്റ്റി​ന്‍റെ അ​റി​യി​പ്പ്.

പ​ണ​ല​ഭ്യ​ത​യു​ടെ അ​ഭാ​വ​വും സാ​​ങ്കേ​തി​ക പ്ര​ശ്ന​ങ്ങ​ളു​മാ​ണ് വി​മാ​ന സ​ർ​വി​സു​ക​ൾ റ​ദ്ദാ​ക്കാ​ൻ കാ​ര​ണ​മാ​യി അ​ധി​കൃ​ത​ർ പ​റ​യു​ന്ന​ത്.​ ഇ​തോ​ടെ വ​ള​രെ  മു​മ്പ്​ ടി​ക്ക​റ്റെ​ടു​ത്ത നി​ര​വ​ധി  കു​ടും​ബ​ങ്ങ​ളു​ടെ യാ​ത്ര മു​ട​ങ്ങി. കല്യാണം, തു​ട​ർ​പ​ഠ​നം, ചി​കി​ത്സ എ​ന്നി​വ​ക്ക്​ നാ​ട്ടി​ലേ​ക്കു​പോ​കു​ന്ന നി​ര​വ​ധി  പേ​ർ യാ​ത്ര​ക്കാ​രി​ലു​ണ്ട്. 

 നി​ല​വി​ൽ ഗോ ​ഫ​സ്റ്റി​ന്റെ 50 ശ​ത​മാ​നം വി​മാ​ന​ങ്ങ​ൾ മാ​ത്ര​മാ​ണ് സ​ർ​വി​സ് ന​ട​ത്തു​ന്ന​ത്. യു.​എ​സ് ക​മ്പ​നി​യാ​യ പ്രാ​റ്റ് ആ​ൻ​ഡ്​ വി​റ്റ്നി​യി​ൽ​നി​ന്നും എ​ൻ​ജി​ൻ ല​ഭി​ക്കാ​ത്ത​താ​ണ് പ്ര​തി​സ​ന്ധി ഗു​രു​ത​ര​മാ​ക്കു​ന്ന​ത്. ബു​ധ​നാ​ഴ്ച  മ​സ്ക​ത്ത്​- ക​ണ്ണൂ​ർ, ക​ണ്ണൂ​ർ-​മ​സ്ക​ത്ത്​ സ​ർ​വി​സു​ക​ളാ​ണ്​ റ​ദ്ദാ​ക്കി​യ​ത്. നാ​ലി​ന്​ കൊ​ച്ചി​യി​ൽ​നി​ന്ന്​ മ​സ്ക​ത്തി​ലേ​ക്കു​ള്ള വി​മാ​ന​വും നി​ർ​ത്ത​ലാ​ക്കി​യി​ട്ടു​ണ്ട്. ചൊ​വ്വാ​ഴ്ച ക​ണ്ണൂ​ർ-​ദു​ബൈ വി​മാ​ന​വും റ​ദ്ദാ​ക്കി​യി​രു​ന്നു. ബു​ധ​നാ​ഴ്ച​ ക​ണ്ണൂ​രി​ൽ നി​ന്നു​ള്ള ദു​ബൈ, അ​ബൂ​ദ​ബി സ​ർ​വി​സു​ക​ളും നി​ർ​ത്ത​ലാ​ക്കി​യ​തി​ൽ​പെ​ടും.  വാ​ദി​യ ഗ്രൂ​പ്പാ​ണ് ഗോ ​ഫ​സ്റ്റി​ന്റെ ഉ​ട​മ​സ്ഥ​ർ. 

കു​റ​ഞ്ഞ നി​ര​ക്കി​ൽ ടി​ക്ക​റ്റ്​ ല​ഭ്യ​മാ​യ​തി​ന്‍റെ അ​ടി​സ്ഥാ​ന​ത്തി​ൽ ബു​ക്ക്​ ചെ​യ്​​ത​വ​രാ​യി​രു​ന്നു കൂ​ടു​ത​ൽ​പേ​രും. അ​മ്പ​ത്​ റി​യാ​ലി​ൽ താ​ഴെ​യാ​യി​രു​ന്നു ടി​ക്ക​റ്റ്​ നി​ര​ക്ക്. ഇ​നി മ​റ്റൊ​രു വി​മാ​ന​ത്തി​ൽ  സ​മ​യ​ത്ത്  യാ​ത്ര ചെ​യ്യ​ണ​മെ​ങ്കി​ൽ  80  റി​യാ​ലെ​ങ്കി​ലും വ​രും.  അ​തും  തൊ​ട്ട​ടു​ത്ത  ദി​വ​സ​ങ്ങ​ളി​ലേ യാ​ത്ര ചെ​യ്യാ​ൻ ക​ഴി​യൂ. നാ​ലു​പേ​ര​ട​ങ്ങു​ന്ന ഒ​രു കു​ടും​ബ​ത്തി​ന് യാ​ത്ര ചെ​യ്യാ​ൻ 320  റി​യാ​ലെ​ങ്കി​ലും കാ​ണേ​ണ്ടി​വ​രും. 

ഗോ ​ഫ​സ്റ്റി​നു എ​ടു​ത്ത ടി​ക്ക​റ്റ് തു​ക തി​രി​ച്ചു​കി​ട്ട​ണ​മെ​ങ്കി​ൽ ദി​വ​സ​ങ്ങ​ൾ  കാ​ത്തി​രി​ക്ക​ണം. നേ​ര​ത്തെ ക​മ്പ​നി, ദേ​ശീ​യ ക​മ്പ​നി നി​യ​മ ട്രൈ​ബ്യൂ​ണ​ൽ മു​മ്പാ​കെ പാ​പ്പ​ർ ഹ​ർ​ജി ഫ​യ​ൽ ചെ​യ്തി​രു​ന്നു. പാ​പ്പ​ർ ഹ​ർ​ജി ഫ​യ​ൽ ചെ​യ്യേ​ണ്ടി​വ​ന്ന സാ​ഹ​ച​ര്യം ദുഃ​ഖ​ക​ര​മാ​ണെ​ന്നും ക​മ്പ​നി​യു​ടെ നി​ല​നി​ൽ​പി​ന് ഇ​ത് അ​ത്യാ​വ​ശ്യ​മാ​ണെ​ന്നു​മാ​യി​രു​ന്നു ഗോ ​ഫ​സ്റ്റ് ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​ർ കൗ​ശി​ക് ഗോ​ന​യു​ടെ മ​റു​പ​ടി. സീ​സ​ണാ​യി​ട്ടും വ​ലി​യ  തോ​തി​ൽ  ടി​ക്ക​റ്റ് നി​ര​ക്ക് ഉ​യ​ർ​ന്നി​ല്ല എ​ന്ന് ആ​ശ്വ​സി​ക്കു​മ്പോ​ഴാ​ണ് യാ​ത്രാ ത​ട​സ്സ​ങ്ങ​ളു​മാ​യി വി​മാ​ന​ക്ക​മ്പ​നി​ക​ൾ പ്ര​വാ​സി​ക​ളെ പ്ര​യാ​സ​ത്തി​ലാ​ക്കു​ന്ന​ത്.