അഡ്​നോക്​ ഗ്യാസ്​ യൂണിറ്റിന്റെ ഓഹരി വില പ്രഖ്യാപിച്ചു

അബൂദബി: അഡ്​നോക്​ ഗ്യാസ്​ യൂണിറ്റിന്റെ ഓഹരി വില പ്രഖ്യാപിച്ചു. ഒരു ഓഹരിക്ക്​ 2.37 ദിർഹമാണ്​ വില. ഇതോടെ കമ്പനിയുടെ മൂല്യം 50 ശതകോടി ഡോളറായി ഉയർന്നു 2.37 ദി​ര്‍ഹ​മാ​ണ് ഒ​രു ഓ​ഹ​രി​യു​ടെ വിലയെന്നാ​ണ് അ​ഡ്നോ​ക് പ്ര​സ്താ​വ​ന​യി​ല്‍ അ​റി​യി​ച്ച​ത്. 

ഓ​ഹ​രി​ക​ള്‍ക്ക് ആ​വ​ശ്യ​ക്കാ​രേ​റി​യ​തോ​ടെ നി​ക്ഷേ​പ​ക​ര്‍ക്കാ​യി ക​മ്പ​നി നി​ശ്ച​യി​ച്ചി​രി​ക്കു​ന്ന ഓ​ഹ​രി​ക​ളു​ടെ എ​ണ്ണം നാ​ലു ശ​ത​മാ​ന​ത്തി​ല്‍ നി​ന്ന് അ​ഞ്ചു ശ​ത​മാ​ന​മാ​ക്കി വ​ര്‍ധി​പ്പി​ക്കു​മെ​ന്ന് അ​ഡ്നോ​ക് ക​ഴി​ഞ്ഞ​യാ​ഴ്ച പറഞ്ഞി​രു​ന്നു.

അ​ഡ്നോ​ക് ഓ​ഹ​രി​ക​ളോ​ടു​ള്ള നി​ക്ഷേ​പ​ക​രു​ടെ താ​ല്‍പ​ര്യം അ​ഡ്നോ​ക്കി​ന്റെ ലോ​കോ​ത്ത​ര നി​ല​വാ​ര​വും അ​ബൂ​ദ​ബി ആ​ഗോ​ള ത​ല​സ്ഥാ​ന​മാ​യി മാ​റു​ന്ന​തി​ന്റെ തെ​ളി​വു​മാ​ണെ​ന്ന് അ​ഡ്നോ​ക് ഗ്രൂ​പ്പ്  ചീഫ് ഫി​നാ​ന്‍ഷ്യ​ല്‍ ഓ​ഫി​സ​ര്‍ ഖാ​ലി​സ് അ​ല്‍ സാ​ബി പ​റ​ഞ്ഞു. 

അ​ഡ്നോ​ക് ഡ്രി​ല്ലി​ങ്, ഫെ​ര്‍റ്റി​ഗ്ലോ​ബ് തു​ട​ങ്ങി​യ ബി​സി​ന​സു​ക​ള്‍ കൂ​ടി ഓ​ഹ​രി​വി​ല്‍പ​ന​ക്ക് വെ​ച്ച​തി​ലൂ​ടെ അ​ഡ്നോ​ക് ഗ്രൂ​പ് ബി​ല്യ​ൺ ക​ണ​ക്കി​ന് ഡോ​ള​റു​ക​ളാ​ണ് സ​മാ​ഹ​രി​ച്ച​ത്. യു​എ​ഇ​യി​ലെ പ്ര​കൃ​തി​വാ​ത​ക സം​ഭ​ര​ണ​ത്തി​ന്‍റെ 95 ശ​ത​മാ​ന​വും അ​ഡ്നോ​ക്കിന്റെ കൈ​വ​ശ​മാ​ണു​ള്ള​ത്. ഇ​രു​പ​തി​ല​ധി​കം രാ​ജ്യ​ങ്ങ​ളി​ലേ​ക്ക് അഡ്നോ​ക് വാ​ത​കം ക​യ​റ്റു​മ​തി ചെ​യ്യു​ന്നു​ണ്ട്. 

2021 ല്‍ ​ക​മ്പ​നി​യു​ടെ 10 മാ​സ​ത്തെ വ​രു​മാ​നം 3.6 ബി​ല്യ​ൺ ഡോ​ള​റാ​യി​രു​ന്നു. 2022 ല്‍ ​ഇ​ത് 4.2 ബി​ല്യ​ണാ​യി വര്‍ധി​ച്ചു. പ്ര​തി​ദി​നം 10 ബി​ല്യ​ൺ ക്യു​ബി​ക് ഫീ​റ്റ് വാ​ത​കം ഉ​ല്‍പാ​ദി​പ്പി​ക്കാ​ന്‍ അ​ഡ്നോ​ക്കി​ന് ശേ​ഷി​യു​ണ്ട്. പ്ര​തി​വ​ര്‍ഷം 29 ദ​ശ​ല​ക്ഷം ട​ണ്‍ ആ​ണ് ഉ​ൽ​പാ​ദ​ന ശേ​ഷി.  

 അ​ഡ്നോ​ക് ഡ്രി​ല്ലി​ങ്ങി​ന് 2022 ല്‍ ​അ​റ്റാ​ദാ​യ​ത്തി​ല്‍ 33 ശ​ത​മാ​നം വ​ര്‍ധ​ന​യാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്. ഓ​ണ്‍ഷോ​ര്‍, ഓ​യി​ല്‍ ഫീ​ല്‍ഡ് സ​ര്‍വി​സ​സ് ബി​സി​ന​സു​ക​ളി​ലാ​ണ് അ​ഡ്നോ​ക് ഡ്രി​ല്ലി​ങ്ങി​ന്‍റെ വ​രു​മാ​നം വര്‍ധി​ച്ച​ത്. 2021ല്‍ 604 ​ദ​ശ​ല​ക്ഷം ഡോ​ള​റാ​യി​രു​ന്ന അ​ഡ്നോ​ക്കി​ന്റെ അ​റ്റാ​ദാ​യം 2022 ല്‍ 802 ​ദ​ശ​ല​ക്ഷം ഡോളറായാ​ണ് വ​ര്‍ധി​ച്ച​ത്. നി​ല​വി​ല്‍ 115 റി​ഗു​ക​ളാ​ണ് അ​ഡ്നോ​ക്കി​നു​ള്ള​ത്. 

2023 ലേ​ക്ക് ക​മ്പ​നി മൂ​ന്നു​ ശ​ത​കോ​ടി ഡോ​ള​ര്‍ മു​ത​ല്‍ 3.2 ശ​ത​കോ​ടി ഡോ​ള​ര്‍ വ​രെ​യാ​ണ് അ​ഡ്നോ​ക് വരുമാനം പ്ര​തീ​ക്ഷി​ക്കു​ന്ന​ത്. 850 ദ​ശ​ല​ക്ഷം ഡോ​ള​റി​ല്‍നി​ന്ന് ഒ​രു ശ​ത​കോ​ടി ഡോ​ള​റി​ലേ​ക്കാ​ണ് ക​മ്പ​നി അറ്റാ​ദാ​യം വ​ര്‍ധി​പ്പി​ക്കാ​ന്‍ ശ്ര​മി​ക്കു​ന്ന​ത്. 

2027 ഓ​ടെ പ്ര​തി​ദി​ന എ​ണ്ണ ഉ​ല്‍പാ​ദ​നം 50 ല​ക്ഷം ബാ​ര​ലാ​യി വര്‍ധിപ്പി​ക്കാ​നാ​ണ് അ​ഡ്നോ​ക് പ്ലാ​ന്‍ ചെയ്തിരിക്കു​ന്ന​തെ​ന്ന് അ​ഡ്നോ​ക് ഡ്രി​ല്ലി​ങ് ചീ​ഫ് ഫി​നാ​ന്‍ഷ്യ​ല്‍ ഓഫിസ​ര്‍ ഈ​സ് ഇ​കാ​ഹീ​മ​ന​ന്‍ പ​റ​ഞ്ഞു. മുമ്പ് 2030 ഓ​ടെ 50 ല​ക്ഷം ബാ​ര​ല്‍ എ​ണ്ണ ഉ​ൽ​പാ​ദി​പ്പി​ക്കാ​നാ​യി​രു​ന്നു ക​മ്പ​നി ല​ക്ഷ്യ​മി​ട്ടി​രു​ന്ന​ത്.